Veggeiningar

Að byggja hús úr forsteyptum einingum hefur ýmsa kosti umfram aðrar byggingaraðferðir. Það er hagkvæmt að byggja úr einingum þar sem kostnaðaráætlanir eru nákvæmari, fastur kostnaður er minni, fjármögnunarkostnaður er lægri og mörgum óvissuþáttum hefur verið útrýmt. Einingahúsin okkar eru almennt reist mun hraðar en byggingar reistar á annan hátt. Útveggir eru framleiddir með viðhaldslítilli og endingargóðri veðurkápu þar sem möguleikar á áferðum og litum húsanna eru nær óteljandi, hvort heldur sem er með steypu í ýmsum litum eða steiningu.

Allir hafa orðið varir við timburhrúgur, steypustyrktarjárn, jarðrask, steypuslettur og annan sóðaskap við nýbyggingar. Þar sem húsin frá okkur eru steypt í verksmiðju og aðeins sett saman á byggingarstað er svæðið mun snyrtilegra en ella og einnig mun öruggara. Lagnarörum, rafmagnsdósum, einangrun, glugga- og dyraopum er komið fyrir við framleiðslu eininganna sjálfra sem þýðir að byggingaraðili þarft ekki eins marga iðnaðarmenn á verkstað. Lagnir eru einfaldlega inni í veggjunum og jafnvel hægt aðsteypa glugga með einingum ef þess er óskað. Í verksmiðju okkar, þar sem við stýrum öllum aðstæðum og framleiðslan er ávallt undir ströngu eftirliti, eru miklu færri þættir sem hafa áhrif á afurðina en þegar steypt er á byggingarstað við misjafnar aðstæður.

Einingahús frá okkur eru einangruð utanfrá sem minnkar viðhaldskostnað því frost nær aldrei inn í burðarveggina.Þar sem einingarnar eru steyptar í verksmiðjunni hjá okkur hefur veðrið afar lítil áhrif á framkvæmdirnar. 

Ótakmarkað frelsi

Framleiðsla okkar er ekki stöðluð nema að hluta til sem veitir húsbyggjendum og hönnuðum nánast ótakmarkað frelsi og afar auðvelt er að tengja einingahús við önnur byggingarefni eða eldri byggingar.

Hafðu samband






  • Litaval og áferð útveggja eru ákaflega mikilvæg atriði fyrir það húsnæði sem byggja á. Valið þarf að standast tíma og tíðir ásamt smekk hvers og eins. Viðhaldsvinna utanhúss er í lágmarki ef útveggir eru framleiddir með steiningu sem er viðhaldslítil veðurkápa.
    Read More
  • Innveggir gegna mikilvægu hlutverki í húsbyggingum. Þeir eru notaðir sem burðarveggir og einnig til afstífingar húsa ásamt því að veita eldvörn á milli rýma, t.d. utan um innbyggða bílskúra.
    Read More
  • Notkun forsteyptra sökkuleiningar hefur aukist síðustu ár m.a. vegna þess tímasparnaðar sem fæst með því að fá þá tilbúna á byggingarstað. Sökkulveggir eru reistir á þjappaða fyllingu og er þá hver eining reist á þar til gerða ásetusteina.
    Read More
  • Útveggjaeiningar skiptast í 2 flokka, annars vegar óeinangraðir og samlokueiningar. Þannig getur útveggur verið óeinangruð, járnbent steypt eining, sem þá er gert ráð fyrir að verði einangruð síðar og klædd að utan.
    Read More
  • Að byggja hús úr forsteyptum einingum hefur ýmsa kosti umfram aðrar byggingaraðferðir. Það er hagkvæmt að byggja úr einingum þar sem kostnaðaráætlanir eru nákvæmari, fastur kostnaður er minni og fjármögnunarkostnaður er lægri.
    Read More

Einingaverksmiðjan    |   Breiðhöfði 10    |    110 Reykjavík    |    Sími: 414 8700     |     soa@ev.is